219
రాగం - బిలహరి(చాయ : కొనియాడ దరమె నిన్ను )తాళం - ఆట
- మృతుల పునరుత్థాన పంటకు ప్రథమ ఫలమగు క్రీస్తులో మృతులు లేతురు నేను లేతును నాదువరుసలో నిజమిది||
- పాపమరణ నరకబలములు ప్రభుని శక్తికి ఓడెను పాపినగు నను బ్రోవ క్రీస్తుని ప్రాణదాన ప్రభావము||
- మరణమా! నీముల్లు యెక్కడ? మరణమా! జయమెక్కడ? మరణమా! నీముల్లు విరిగెను మహిమ క్రీస్తులో నిప్పుడు ||
- శిలయు ముద్రయు బలిమికావలి గలిబిలాయెను రాత్రిలో ఇలయు పరమును కలుసుకొనియెను గెలుపునొందిన క్రీస్తులో ||
- మృతులు నీదగువారలందరు బ్రతికి లేతురు సత్యము ప్రేతలను జీవింపచేయును పృథివి క్రీస్తుని విజయము ||
- స్తుతియు మహిమయు ఘనత నీకె స్తుతికి పాత్రుడ రక్షకా స్వంత రక్తము చిందితివి నా స్వామి యిదెనా యంజలి ||