a523

523

సంవత్సరాంత్య ధ్యానము

దేవాది దేవాత్మజా మమ్ము దీవించు ప్రభురాజా దేవాదిదైవ మానుషాభవ్య దేదీప్యగుణతేజా ||దేవాది||

చెదరిన నీ గొఱ్ఱెల కదుపు వెదుకవచ్చితివియ్యల సదయా హృదయాభ్యుదయా సాధు జన నిత్య పరిపాలా ||దేవాది||

దురితాలవాలమునం బుట్టు నరకీటముల మన్నా కరుణారసమనిశము మాపై విరజల్లవే చల్లగా ||దేవాది||

నరకంబు నిధియొడ్డున మేము దిరుగుచు పడబోయిన తఱి నీ వెఱిగి త్వరగా మమ్ము మరలించి నావన్నా ||దేవాది||

యేసు నీ దాసులము నీకు దోసిలి యొగ్గినాము దోషా రోషా భ్యాసములను దూరము దొలగించుము ||దేవాది||

ప్రాణేశ నీ సిలువ జిందు శోణితంపు విలువ త్రాణకరము స్ధిరము దాని దర్శించుటే జీవము ||దేవాది||

బాలుర మజ్ఞులము మమ్ము బాలింపవే నిత్యము నీ లోపలి జాలి మాకు నిజముగా జూపించుము ||దేవాది||

ఆనందమగు నీ కృప మేము ధ్యానించుటకు నేర్పుమా జ్ఞానోజ్వలము బలము శిశువుల మైన మా కవి యిమ్ము ||దేవాది||