170
రాగం - బిలహరి(చాయ : కొనియాడ దరమె నిన్ను )తాళం - ఆట
- పరిశుద్ధుడ వీవు ఇలలో పాపుల నందరిని పరిపరివిధ కృప వాక్కులతోడను పిలిచితి వెల్లప్పుడు ||యేసు||
- సత్యపు నడతలతో జగతిని సర్వాద్భుతములను నిత్యము జేయుచు నీ కృప చాల యిలలో దెల్పితివే ||యేసు||
- అతి పుణ్యాత్ముడవే క్షితిలో వెతలను బొందితివే మృతిని బొందియు మూడవ దినమున బ్రతికియు లేచితివే ||యేసు||
- పాపుల మని తెలిసి నీదగు దాపున జేరగనే పాపము బాపుచు ప్రాపుగ నుండెడి ప్రభుడవు నీవెగదా ||యేసు||
- దురిత వితతి దూరా నమ్మిన దురితుల స్నేహితుడా నిరతము మమ్మును నీ కృప లోపల నిలకడగా బెంచు ||యేసు||
- నోరు నిండ నెదలో నీ కృప ప్రేరేపణగలిగి సారెకు వేడెద ముర్వికి రక్షణ కారకుడా నిన్ను ||యేసు||