a181

181

సంవత్సరాంత్య ధ్యానము

రాజులకు రాజైన యీ మన విభుని పూజసేయుటకు రండి యీ జయశాలి కన్న మన కింక రాజెవ్వరును లేరని ||రాజులకు||

కరుణగల సోదరుండై యీయన ధరణి కేతెంచె నయ్యా తిరముగా నమ్ముకొనిన మన కొసగు బరలోక రాజ్యమ్మును ||రాజులకు||

నక్కలకు బొరియ లుండె నాకాశ పక్షులకు గూళ్లుండెను ఒక్కింత స్థలమైనను మన విభుని కెక్కడ లేకుండెను ||రాజులకు||

అపహాసములు సేయుచు నాయన యాననము పై నుమియుచు గృప మాలిన సైనికు లందరును నెపము లెంచుచు గొట్టిరి ||రాజులకు||

కరమునం దొక్క రెల్లు పుడకను దిరముగా నునిచి వారల్ ధరణీపతి శ్రేష్ఠుడా నీకిపుడు దండ మనుచును మ్రొక్కిరి ||రాజులకు||

ఇట్టి శ్రమలను బొందిన రక్షకుని బట్టుదలతో నమ్మిన అట్టహాసముతోడను బరలోక పట్టణంబున జేర్చును ||రాజులకు||

శక్తిగల రక్షకుండై మన కొరకు ముక్తి సిద్ధము జేసెను భక్తితో బ్రార్థించిన మనకొసగు రక్తితో నాముక్తిని ||రాజులకు||

త్వరపడి రండి రండి యీ పరమ గురుని యొద్దకు మీరలు దరికి జేరిన వారిని యీ ప్రభువు దరుమ డెన్నడు దూరము ||రాజులకు||