246
రాగం - బిలహరి(చాయ : కొనియాడ దరమె నిన్ను )తాళం - ఆట
- పరమండలాగ్నివై యరుదెంచి మా హృదయాం తర దురితతూలం బును దరికొల్పి పరిశుద్ధ పఱచి మా యాత్మల మా వరరక్షకునకు న ర్పణ ముగా నిడుమయ్య ||పరిశుద్ధాత్ముడ||
- కాంతులీనెడు దీప కలికవైవచ్చి మా స్వాంతంబులగప్పిన యంతు లేని యవిద్యా ధ్వాంతంబు జోపి సు స్వాంతులేగెడు సత్య సరణి జూపింపుమా ||పరిశుద్ధాత్ముడ||
- చలువ గూర్చెడు మంచు జల్లురూపమున మ మ్ముల నెల్ల దీవింపుమా ఫలశూన్యంబైన యా ఆత్మలకు నీ బల మొసగి ఫలవంతములుగ గే వలుడా యొనరింపుమా ||పరిశుద్ధాత్ముడ||
- పరమ పారావతమా! పక్షములు విప్పి మా శిరములపైని చాచి పరమందు నీ సంఘ పరిశుద్ధులకువలెనె ధరనున్న మాకు నీ వరముల నిడుమయ్య ||పరిశుద్ధాత్ముడ||
- దివినుండి భువికి నా రవముతో వీతెంచు పవమానాకారుండవై నవ జన్మసంప్రాక్తికవరోధమొనరించు భవదుఃఖాంబుద పటలి బాఱ దోలుము కృపచే ||పరిశుద్ధాత్ముడ||
- అందమౌ నీమోము నందు జిందెడు తేజ మందఱు వీక్షింపగా విందవై వచ్చి మా డెందంబులకు నిత్యా నందంబుగూర్చి మా వందనంబులు గొనుమా ||పరిశుద్ధాత్ముండ||