165
రాగం - బిలహరి(చాయ : కొనియాడ దరమె నిన్ను )తాళం - ఆట
- ఎనలేని పాపకూపమున నేను తనికి మినుకుచును నే దరి గానకు డన్ కనికరము బెంచి నా యందు వేగ గొని పోవ నా మేలు కొర కిందు వచ్చె ||ఈలాటి||
- పెనుగొన్న దుఃఖాబ్ధిలోన నేను మునిగి కుములుచు నేడు పునగుందు నపుడు నను నీచుడని త్రోయలేక తనదు నెనరు నా కగుపరచి నీతిజూపించె ||ఈలాటి||
- నెమ్మి రవ్వంతైన లేక చింత క్రమ్మిపొగలుచు నుండ గా నన్ను జూచి సమ్మతిని నను బ్రోవ దలచి కరము జాచి నా చేయిబట్టి చక్కగా బిలిచె ||ఈలాటి||
- పనికిమాలిన వాడనైన నేను కనపరచు నాదోష కపటవర్తనము మనసు నుంచక తాపపడక యింత ఘనమైన రక్షణ మును నాకు జూపె ||ఈలాటి||
- నా కోర్కె లెల్ల సమయములన్ క్రింది లోక వాంఛల భ్రమసి లొంగెడు వేళన్ చేకూర్చి దృఢము చిత్తమునన్ శుభము నా కొసంగె జీవింప నా రక్షకుండు ||ఈలాటి||
- శోధనలు నను జుట్టినపుడు నీతి బోధ నా మనసులో బుట్టించి పెంచి బాధ లెల్లను బాపి మాపి యిట్టి యాదరణ జూపెనా యహహ యేమందు ||ఈలాటి||